محشش يكول قصته وهو أبطن امه ..........
في البداية يوم جنت نطفه ظنيت إني من كريات الدم البيض .
ماعرفت إني من بني البشر إلا لمن كالت( الدكتوره ) لأمي مبرووك يامدام إنتي حامل
عاد أمي من الفرحة حطت أيدها على بطنها في المكان اللي أنا موجود بيه عرفت إني المقصود وفهمت إني مشروع بني آدمي . .
بيني وبينكم ضجت .. كلت شلي بوجع الراس أطلع لعالم ثاني وأصير إنسان وفي حساب وعقاب وأدرس .
همس لي عقلي كال إحمد ربك رح تطلع ويصير عندك إيميل وماسنجر صحيح يضوج بس مو مشكلة وتشترك في منتديات ,,
كلتله وأصير مشرف في منتدى كال اكل تبن إلا هذا .,
فرحت اني كلت أي راح اطلع هسة كال بعد وكت باقي تسع شهور (تحطيم)ـ .,
ولما صار لي خمس شهور جنت حاس إني ذكر بس كلت يمكن أطلع بنت -
جلست أقطع من الشعيرات الدمويه وأقول بنيه لو ولد.. بنيه لو ولد..
وأنا أفكر سمعت صوت أبويه يحجي ويه امي حاولت أركز وأسمع شنو ديكللها قربت اذاني طلع أبويه ديتغزل بأمي
(تم تشفيره .....) ردت أخابر عليهم وأكولهم إستحوا اني دا أسمعكم بس مصار عندي مجال .
بصراحه إستحيت من حجي امي وابويه كلت أنام أحسن لين عيب أتصنت عليهم بعدين الله يعاقبني
ويصير ابني يتصنت عليه .
جلست أمص اصبع رجلي لحد ما نمت وبعد فتره سمعت صوت قوووي يتجه نحوي كمت بطولي
إلا ويركع راسي ببطن أمي آآآآخ بس قوة الصوت نستني الوجع الله لايشوفكم عبالك شلال منحدر عليه أحاول أهرب
منا منا ولا اكو مجال ربي ستر ومر من جانبي ومتأذيت طلعت أمي الله يهديها
شربت مي بكميه جبيره على غير العاده بس والله تونست كعدة ألعب بالمي برجليه جنت راح اسبح بس ماعندي مااايوه .. حرامات
لما اجى الشهر السابع راحت أمي ويه ابويه للدكتوره تطمئن أمي على صحتها
طبعا نامت أمي على السرير وابويه واكف فوك راسها ( على الااساس يحسسها بالامان ) كلت حشايه هو انتي حامل بوحش !!
الدكتوره حطت جهاز على بطن أمي وبدت تحرك يمنه ويسره فوك و تحت وهم يشوفوني على الشاشه
عاد أني كمت أتدلع واحرك رجلي وأفتح عيوني وأغمضها بنعومه وأمص أصبعي .,
وأمي وأبويه يتبادلون نظرات الحب والرومانسيه ويبتسمون ولمن وخرة الجهاز إنكطعت عنهم الرؤيه
وأني أكول شبيكم عمركم مشايفين جهال
عاد سألت أمي الدكتوره شوكت موعد الولادة كالت باقي شهرين سمعت الخبر
وجاني إنهيار عصبي شهرين يامفتريه خلص بعد مدا اكدر اتحمل أنكتمت الجووو حار ماكو الا مكيف صحرواي حتى مايبرد .
كلت مايصبرني غير النوم ونمت شهرين (نومة أهل الكهف)
صحيت من النوم وحسيت بملل وفراغ قاتل حاولت أرفه عن نفسي ورحت ألعب لعبة الحبل بإستخدام الحبل السري .
وكعدت أكمز وأغني شمس قمر نجوم كواكب واحد اثنين ثلاثه ههههههههههاي...
وفجأه من قوة الكمزه أتزحلكت وأنكلبت وصار راسي ليجوه ورجلي لي فوك كامت أمي تصررخ .,
أخذها أبويه لأقرب مستشفى كال الطبيب هاي ولااااااااده لما سمعت الخبر طرت من الفرح لين راح اطلع هف واخيرا
وبديت أكشخ وارتب نفسي أستعد للقاء الأول مع صديقي بالحضانه .
وأمي كل شوية تتعالى صرخاتها حطوها على السرير متوجهين لغرفة الولاااااده وأبويه يمشي يمها
ويكولها لاتخافين أنا وياج هي تكوله أخاف أموت واني دا اولد , أبويه يرد عليها والدموع تنهمر من عينيه ان شاء الله يومي قبل يومج
<===<< متأثر بالافلام
واني أكول ماوصلنا لغرفة الولاده إنكتمنا ياهوه هوّوووووووونا .,
طبعاً نقلوا أمي لسرير الموجود بالغرفه واجه الدكتور ووياه النيرسات .,
كال الدكتور لأمي زفيييييييييير أمي فهمتها عكس أنطتها شهييييييييييق واذا اني أنشفط وأدخل جوّووا دكيت أمي بكوعي
كلتلها ايكلج زفير زفير الظاهر أمي سمعتني وزفرت زفرة وتدفعني أمي بقوه وأني اطلع سرعتي 180 ميغابايت
وطلع كل شي بيه الا خشمي كلت اهوووو هذا اللي جنت خايف منه
إستدعى الدكتور الطاقم الطبي على مود ايطلعون خشمي حاولوا المره الأولى والثانيه مانفع وبعد ثالث محاوله طلعوه ( الثالثه ثابته )
كعدت أبجي وأكول للدكتور غض البصر
وتشيلني النيرس على أيدها وتلفني بذاك الأبيض
ياسلاااااااام وأخيرا انتهت معاااناتيهف