عزَاه يالصدر الوسيع الشمالي |
| اليوم ضايق عقب وقت اتساعه |
| احاول اكتم داخله ماجرالي |
| بالصبر والحنكة وكنز القناعة |
| واجاهد الضيقة على راس عالي |
| رجم من السجَة حسبت ارتفاعه !! |
| واعيش // لو ماعاش غيري // لحالي |
| واترك نوازيل الطمان وضباعه |
| وارتاح من كثر اللغط والجدالي !! |
| واقطع حبال الشوشرة والاشاعة |
| مدام عز النَفس هو راس مالي !! |
| مالي ومال المسكنة والصياعة ؟! |
| ماجامل المخطي ولو كان غالي |
| ولانيب احب المدح .. وَلا ابتداعه |
| النَور لاهل الطيب باول وتالي |
| لو لمَع الاغبر : ( زمان الصناعة ) !! |
| زمان : قول الحق عقب الريالي !! |
| غطَت على روس العباد : البشاعة |
| عصرٍ عجزت آلقا لوصفه مثالي |
| لانَه زمان العولمة ياخزاعة |
| ما عاد تقدر للحمول الجمالي !! |
| من يوم وجه اشعيل ركَب قناعه |
| ولاعاد نلقا من يجيب السؤالي !! |
| من بعد ثوب العلم بان انجباعه |
| ولا عاد نعرف جدَها والهزالي !! |
| حتيش لو عادوا كلام الاذاعة |
| والمجتمع مابين طحن وقتالي |
| يعني مثل ماقيل : طافح نزاعه |
| ولاشك مابه عدل دام النزالي |
| بين : ( الكبير ) وبين : ( طفل الرضاعة ) !! |
| قلته وانا اشرب قهوتي من دلالي |
| واقدع تمر ناتج من افضل زراعة |
| لاشك هاض الفكر شيٍ لفالي |
| من صوب : من جوَد قواعد قلاعه |
| لاجل كذا غنَيت يوم المجالي : |
| مسموح للمجروح سرد انطباعه |
الحديث | شاشة 1024x768 أو أكبر
عزَاه يالصدر الوسيع الشمالي !! 
الثلاثاء مايو 26, 2015 11:50 am
هام جداً: قوانين المساهمة في المواضيع. انقر هنا للمعاينة 
صلاحيات هذا المنتدى