| يا اللي ورى بعض المواضيع لحَاح | |
| | اعلم بعلم وحط عنده علامه |
| كان اليالي عندك اعياد وافراح | |
| | ما مر بك ليلٍ تمنا منامه |
| لا تحسب اني داله القلب مرتاح | |
| | يوم اني امزج بالكلام ابتسامه |
| احاول التمثيل بأسلوب مزاح | |
| | واعايش الواقع واريمه ريامه |
| لخاف الجروح بعالم الطب جراح | |
| | ولاطب فاد ولا تفيد الحجامه |
| بيني وبين اللي تهنو با الامراح | |
| | مشوار ماتنهيه شده وقامه |
| غريق موج ولا مع الموج سباح | |
| | ضاعن مجاديفي وزاد التطامه |
| مع عالم الانسان واداعب اشباح | |
| | فوجٍ يفوت وفوج يبدى سنامه |
| ليه مع الهوجاس مسرا ومسراح | |
| | حدد شروطه واستمر ابدوامه |
| يشن هجماته عليه ويجتاح | |
| | آخر جنودٍ ما ايقنو بالسلامه |
| بجنود تفتك بالمقاوم بلا سلاح | |
| | قرر وحل ونال عرش الزعامه |
| عيا يزيح وعنه وش لون ابا انزاح | |
| | لاصرت يهل المعرفه والفهامه |
| على مثل ماقيل طيرٍ على جناح | |
| | للحوم هام وكل ما طاح هامه |
| يبي فسيح الجو وإليا انتهض طاح | |
| | طال المطال ولا تحقق مرامه |
| وتخيل عيني بالدجا بارقٍ لاح | |
| | واجتاحت الغرى زعوج وعتامه |
| عكس السفينه هب ذعذاع الارياح | |
| | توقفت والياس ركز خيامه |
| ولي قال من له مع هل العرف مشواح | |
| | اللي غرامي عينةٍ من غرامه |
| يبدى خفا الماعون لاصار نضاح | |
| | ومبناً بليا ساس عجل انهدامه |
| وعن حالي الماء لوتجرعت الاملاح | |
| | لاصار يومك ما انت ناوي اصيامه |
| اخير من عذبٍ تحت كف شحّاح | |
| | يعده المثبور وقت انسجامه |
| والعود الأزرق بالدواوين لافاح | |
| | يعطيه راع الصنف كل اهتمامه |
| وعليك باللي للصعيبات نطاح | |
| | و اصغيت له ولا استهنت ابكلامه |
| جاملت وقتي واستحقيت الامداح | |
| | لو للدهر قانون فزت ابنضامه |
| نصيح لكن مامشالي بالانصاح | |
| | لقبل ماغطا ويضحانه جهامه |
| ان قلت فزت اليوم في جمع الارباح | |
| | بدايت الصفقه قسيمة غرامه |
| وعزاي في قولت بعيدين الاشباح | |
| | ما احدٍ جنى من زود صبره ندامه |
| وشكواي للي يعلم اسرار الارواح | |
| | مغيث الديار الممحله من غمامه |
| قلت وبقا باقي خفا السد ما انباح | |
| | عن فرحة اللي يهتوون الملامه |
| الباب به قفله وللقفل مفتاح | |
| | ورهنت مفتاحه ببنك الكرامه |
| وصلوا على المختار ما الراعبي ناح | |
| | نذيرنا عن هول يوم القيامه |
الحديث | شاشة 1024x768 أو أكبر
العود الأزرق 
الثلاثاء مايو 26, 2015 11:50 am
هام جداً: قوانين المساهمة في المواضيع. انقر هنا للمعاينة 
صلاحيات هذا المنتدى