شأدعي عليك استاذي؟؟؟




اخيرا خلصنا من موسم الامتحانات الجامعية واكيد طلابنا فرحانين هسة لانهم خلصوا من توتر
الامتحانات وضغط الاهل وحثهم على الدرس المستمر, وصارالكل ينتظرالنتائج بفارغ الصبر سواء .



انتظار يسيطر علية التشاؤم او التفاؤل على السواء , المهم اذا كانت النتائج موزينة ماراح يسلم الاستاذ
الجامعي من الشتائم من الطلاب الكسالى لما راح يشوفون نتائجهم وماعدا الادعية على هذا المدرس
بالسوء بس على الاقل الاستاذ الجامعي خلصان من طر الحجار اللي ياكلة اساتذتنا ومعلمينا بالقرى
والارياف والمناطق الشعبية لما يرسب طالب .



في الحقيقة هناك انواع من المدرسين الجامعيين الذين يقييمون الطلاب واللي يكتبه في
الامتحان بطرق مختلفة.


منهم من يدور عن طريقة ايضاح معينة ومعلومات دقيقة وما يقبل بغيرها حتى لو كان من الواضح من
ورقة امتحان الطالب ان هو درس لكن ماكتب الشي اللي يريدةالمدرس فتشوفة بكثير من الاحيان ما ينطي
الطالب حقه من الدرجات .



وهناك من هو استاذ لطيف مع الجنس اللطيف فقط فتراه سخي في درجاته مع الطالبات .



ويمكن ان نشوف العكس اكو استاذ يشوف ان هذا مو مكان للجنس اللطيف في كليات, الشباب احق بيها
منهم وعنده طريقة تفكير ان الفتاة لازم تتزوج وتلتزم ببيتها فتشوفة متشدد اكثر مع الطالبات وبخيل في
درجاته معهن .



ونشوف احيانا المثالي الذي ما ينطي ولا درجة واحدة تزيد عن ما يستحقه الطالب
وما يفكر ان الطالب درس وتعب وحاول قدر جهده .



وايضا المتكبر والمتعالي والذي يشوف ان هو في موقع قوة وماكو عند اي احد حق ينقاشه ولازم الكل
يتقبل كل ما يتفضل بي حتى لو كان غير صحيح احيانا .



وطبعا مثل ما في باقي المهن يمكن ان نشوف من ينطي الدرجات بسخاء لخاطر فلان وعلان من الكبار ,
واكو من يتقبل الرشاوي ومن وصل الى مركزه الجامعي سهوا وهو ما يفهم شي من اللي د يدريسه
فتشوفة مايكدر اصلا يقيم الطالب بالشكل الصحيح.



طبعا ما نكدر ننكر ابدا اساتذتنا الافاضل الذين نكن لهم كل احترام وتقدير ويستحقوا منا تقبيل اياديهم لما منحونا اياه من علم ومعرفة .



بعد هذا المختصرعن انواع الاساتذة ومن منهم يستحق الدعاء عليه ومنو لا؟بسبب درجاتنة الزفت
بالامتحان واللي نريد من وراها نذب الصوج على مدرسنة الجامعي




اقول لكم باللهجة العراقية لا تعبون نفسكم ولا تدعون اني اشك ان رب العالمين راح يتقبل هذه الادعية
المهم تشدون حيلكم للامتحانات المقبلة تحياتي لكم واتمنى للجميع حظ سعيد ويا الاسا